Die ou plaasskuur is vindingryk omskep in ‘n gastehuis met ‘n swembad en luukse-kamers met en suite-badkamers.

Liam Mooney het die interieur van die vyf luukse- suites ontwerp. Die ontwerp is skoon en modern en word geanker deur aardse akkerhout meubels en opgevrolik met natuurlike aksente en koper-detail.

‘n Ligte ontbyt word in die eetarea bedien. Vir aandete kan gaste vooraf ‘n tradisionele tuisgemaakte maaltyd van Bosjes Kombuis bespreek of restaurante in die vallei verken.